Tenda solidaria de Nadal, Espazo +60 Ferrol
Do 17 ao 20 de decembro a planta baixa da Sede Afundación de Ferrol acolle a tradicional Tenda solidaria a beneficio da Cociña Económica da cidade. Nela poderás atopar labores feitas durante o actual trimestre polos soci@s participantes no Obradoiro solidario.
Esta actividade ten como finalidade promover a creatividade e a imaxinación ao tempo que fomenta a solidariedade e a cooperación entre participantes. Está enmarcada dentro do programa "O valor da experiencia" da área de Envellecemento Activo, que ten como obxectivo potenciar o papel activo das persoas maiores na sociedade e o desenvolvemento de actividades de voluntariado.