Tenda solidaria a favor da Cociña Económica de Ferrol, Espazo +60 Ferrol

O hall da sede Afundación de Ferrol acolle, do 12 ao 19 de decembro, a tradicional Tenda solidaria a beneficio da Cociña Económica de Ferrol. Nela poderás atopar cestas, bolsos, carteiras, pulseiras, manteis, roupa de bebé, colares... elaborados polo grupo de voluntariado participante no obradoiro solidario durante o curso.

Esta actividade ten como finalidade promover a creatividade e a imaxinación á vez que fomenta a solidariedade e a cooperación entre participantes. Está enmarcada dentro do programa "O valor da experiencia" da área de Envellecemento Activo, que ten como obxectivo potenciar o papel activo das persoas maiores na sociedade e o desenvolvemento de actividades de voluntariado.