Tenda solidaria a favor da Asociación Española Contra o Cancro, Espazo +60 Ourense

Os días 27 e 28 de novembro estará aberta a tenda solidaria no Espazo +60 Afundación de Ourense. Os produtos que se poden adquirir nela foron elaborados por persoas voluntarias asociadas ao Espazo +60 durante todo o curso, participando na actividade do «Obradoiro solidario». Os beneficios da recadación de fondos destinaranse á Asociación Española Contra o Cancro para o seu proxecto "O carriño de Don Amable".

 

Esta actividade ten como finalidade promover a creatividade e as actividades artesanais ao tempo que fomenta a solidariedade e a cooperación. Está enmarcada dentro do programa "O valor da experiencia" da área de Envellecemento Activo, que ten como obxectivo potenciar o papel activo das persoas maiores na sociedade e o desenvolvemento de actividades de voluntariado.