Tenda solidaria a favor da Fundación Degén, Espazo +60 A Coruña

Do 9 de maio ao 10 de xuño poderás visitar o Mercadillo solidario na planta baixa do Espazo +60 Afundación de A Coruña. Os produtos que se poden mercar na tenda solidaria foron elaborados por persoas voluntarias do Espazo +60 participantes no «Obradoiro solidario» durante todo o curso. Poderás atopar traballos de artesanía e bisutería, desde roupa infantil a manteis, bolsas de merenda, bonecos de panos bordados ou encaixes de Camariñas. Os beneficios destinaranse á Fundación Degén.

Esta actividade ten como finalidade o desenvolvemento de hábitos de reciclaxe e promove a creatividade e a imaxinación ao tempo que fomenta a solidariedade e a cooperación entre os participantes. Está enmarcada dentro do programa "O valor da experiencia" da área de Envellecemento Activo, que ten como obxectivo potenciar o papel activo das persoas maiores na sociedade e o desenvolvemento de actividades de voluntariado.