Ruta de sendeirismo: costa de Cangas á praia de Temperáns, Espazo +60 Vigo

No Espazo +60 de Vigo retomamos a actividade ao aire libre cunha ruta de sendeirismo sinxela, fácil e próxima, sen necesidade de usar o autobús. Será unha ocasión para reencontrarnos cos compañeiros do grupo sendeirista, e pouco e pouco e, coas debidas precaucións, ir valorando as seguintes rutas. Esperamos vervos a todos e todas. Recordámosvos que, aínda que sexa unha actividade ao aire libre, é obrigatorio o uso de máscara.

 

O luns, 19 de outubro, ás 10.30 horas, estaremos na Estación marítima de Vigo para coller o billete do barco. Quen o prefira pode saír directamente dende Cangas, sendo preciso estar ás 10.50 horas, no peirao de Cangas. Hai que estar puntuais no punto de saída, xa que o barco de liña regular non espera.

 

Saíremos de Cangas por Masso, teremos durante todo percorrido unhas boas vistas á beira do mar. Ao chegar á praia de Limens seguiremos camiñando algo máis ata Temperáns, unha pequena praia moi habitual no verán para o fondeadoiro de embarcacións de recreo. Tomaremos o bocata en ruta, e estaremos ata media tarde por Cangas, aproveitando a visita a esta agradable cidade costeira da ría de Vigo.

Prezo: guía e seguro: 10€ (nenos de balde ata 18 anos)

Barco: 2,25€ por traxecto

Anótate en mais60vigo@afundacion.org ou no 986 223 337 e reserva a túa praza. O aboamento farase en ruta. Prazas limitadas