Road Show. V Xornadas A Cociña Gráfica. Santiago, A Coruña e Vigo
O Colexio Fogar Afundación organiza para os próximos 6, 7 e 8 de febreiro as V Xornadas A Cociña Gráfica, que este ano se moverán por Galicia en formato Road Show. Pararán o primeiro día na Sede Afundación de Santiago de Compostela, o segundo na Sede Afundación da Coruña e rematarán en Vigo, no Colexio Fogar Afundación.
Charlas técnicas e demostracións prácticas de tecnoloxías de impresión dixital téxtil, sublimación, transferencia térmica, bordado, corte e gravado láser, troquelado e corte dixital, rotulación, personalización con impresión directa UV, materiais téxtiles para impresión dixital, materiais de rotulación, etc.
Está orientado a empresas e profesionais da comunicación gráfica, da impresión e confección téxtil, deseñadores gráficos, creativos e todas as empresas dedicadas á impresión dixital e ás artes gráficas.
Contarase con Roland, Sign-Tronic, Siser, Framun-Trotec, Plásticos Carrera, Rysia, Grupo DV, Tajima DST e Wacom. E o apoio do Clúster da Comunicación Gráfica, Cointega, Creatividade Galega, Ilustre Colexio Oficial de Enxeñeiros Industriais, Delikia Fresh e Afundación.
CALENDARIO
Martes 6 de febreiro en Santiago, Sede Afundación, Rúa do Vilar, 19Mércores 7 de febreiro na Coruña, Sede Afundación, Cantón Grande, 8
Xoves 8 de febreiro en Vigo, Colexio Fogar Afundación, Filipinas, 6
Consulta a programación das charlas técnicas e mesas redondas aquí: Programación
Máis información aagg@afundacion.org ou 986 414 311
lacocinagrafica.afundacion.org, facebook e twitter.