Concerto REAL FILHARMONÍA DE GALICIA, en Pontevedra

A Sede Afundación en Pontevedra agárdate o venres 11 de outubro cun concerto de clásica dirixido por Sebastian Zinca. A Real Filharmonía de Galicia realiza este concerto, en colaboración coa Sociedade Filharmónica de Pontevedra, cun repertorio de Eduardo Soutullo, Vaughan Williams e Sibelius.

 

Colle xa as túas entradas en Ataquilla.com*

*As persoas que non sexan socias da Sociedade Filharmónica e desexen asistir, poderán retirar as entradas a través de ataquilla.com. A Sociedade Filharmónica facilitará as entradas ás persoas socias.

 

REAL FILHARMONÍA DE GALICIA

Director | Sebastian Zinca

 

Programa

EDUARDO SOUTULLO

All the echoes listen

VAUGHAN WILLIAMS

Fantasía sobre un tema de Thomas Tallis

SIBELIUS

Sinfonía nº 4 en La menor, op. 63

 

A Real Filharmonía de Galicia creouse en 1996 en Santiago de Compostela. Está formada por cincuenta músicos de 17 nacionalidades diferentes. Baldur Brönnimann é, desde xaneiro de 2023, o seu director titular e artístico; Maximino Zumalave, o seu director asociado, Joana Carneiro, a principal directora convidada, e Sebastian Zinca é o Director Asistente durante o ano 2024. A RFG ofreceu concertos en escenarios da Alemaña, Austria, Francia, O Brasil, A Arxentina, Cuba e Portugal.

Esta tempada, Sebastián Zinca dirixe once concertos coa Real Filharmonía de Galicia como parte do seu novo rol como director asistente. Graduouse na clase de dirección de Orquestra da Academia Sibelius en Finlandia. Particularmente apaixonado pola ópera, Zinca dirixiu Suor Angelica de Puccini, L'Amico Fritz de Mascagni, O diario de Ana Frank de Frid e Alcina de Handel. En 2022 foi un dos catro novos directores de todo o mundo elixidos para dirixir un acto de La Bohème en concerto coa Orquestra Filharmónica de Gran Canaria. Dirixiu, entre outras, a Orquestra da Komische Oper, Kammerakademie Potsdam, Orquestra Sinfónica da Radio Finlandesa, Filharmónica de Helsinqui, Tapiola Sinfonietta, PKF-Filharmónica de Praga, Staatstheater Cottbus, Sinfónica de Lahti, Filharmónica de Magdeburgo, Orquestra Sinfónica de Oulu e a Orquestra de Cámara de Ostrobotnia. Zinca é orixinario de Miami, Florida. Antes de dirixir, estudou contrabaixo na Escola Juilliard School.