Concerto REAL FILHARMONÍA DE GALICIA, en Pontevedra

O venres 15 de marzo, a Sede Afundación de Pontevedra ofrece un concerto da Real Filharmonía de Galicia, “Sons latinoamericanos”.
Colle xa as túas entradas en Ataquilla.com
Director | BALDUR BRÖNNIMANN
Barítono/narrador | DARÍO SOLARI
PROGRAMA
J.P. MONCAYO (1912-1958)
Huapango (versión cámara)
V. ASCONE (1897-1979)
Cinco cancións ao estilo popular rioplatense
Aquí me pongo a cantarte (tonada)
De mi boca a tu labio (huella)
Vidalita del querer
Como las frutas de monte (chacarera)
Caballito criolla (gato)
A. GINASTERA (1916-1983)
Estancia, op.8 (ballet completo)
Cuadro I - El amanecer
I. Introducción y escena
II. Pequeña danza
Cuadro II - La mañana
III. Danza del trigo
IV. Los trabajadores agrícolas
V. Los peones de la hacienda
VI. Los puebleros
Cuadro III – La tarde
VII. Triste pampeano
VIII. La doma
IX. Idilio crepuscular
Cuadro IV - La noche
X . Nocturno
Cuadro V - El amanecer
XI. Escena
XII. Danza final (Malambo)
A. MEJÍA (1905-1973)
ACUARELA
A. MÁRQUEZ (1950)
Danzón núm. 2
Baixo a dirección do seu titular, Baldur Brönnimann, a agrupación sinfónica compostelá ofrecerá un programa formado integramente por obras latinoamericanas: Huapango, de José Pablo Moncayo; Cinco canciones al estilo rioplatense, de Vicente Ascone; Estancia (ballet completo), de Alberto Ginastera; Acuarela, de Adolfo Mejía; e Danzón nº 2, de Arturo Márquez. Nas obras de Vicente Ascone e de Aberto Ginastera actuará como solista o barítono uruguaio Darío Solari.
Baldur Brönnimann é desde xaneiro de 2023 director titular e artístico da Real Filharmonía de Galicia. Nacido na Suíza, formouse na Musik Akademie de Basilea e na Royal Northern College of Music de Mánchester. Ata xuño de 2023 liderou a Sinfonietta de Basilea. En 2020 concluíu o seu exitoso mandato de seis anos como director principal da Orquestra Sinfónica do Porto Casa da Música. Entre 2011 e 2015 foi director artístico do principal conxunto de música contemporánea de Noruega, BIT20, e entre 2008 e 2012 foi director musical da Orquestra Sinfónica Nacional de Colombia.
O barítono uruguaio Darío Solari é un dos intérpretes máis importantes do repertorio de Verdi e do bel canto. Actuou nos principais escenarios de ópera do mundo, coma a Deutsche Oper Berlin, New Israeli Opera en Tel Aviv, Oper Leipzig, Oper Frankfurt, Ópera de Monte-Carlo, Ópera de Toulon, Théâtre du Capitole en Toulouse, Teatro Real Danés en Copenhague, Palm Beach Opera, Florida Grand Opera de Miami, Maggio Musicale Fiorentino, Teatro Filarmonico en Verona, Teatro Regio en Turín, Teatro dell'Opera en Roma e Teatro Comunale en Boloña, entre outros. Traballou con directores coma Roberto Abbado, James Conlon, Zubin Mehta, Riccardo Muti e Gianluigi Gelmetti, e con directores de escena como Bob Wilson, Micha Von Hoecke, Graham Vick, Franco Zeffirelli ou David McVicar. Entre as súas actuacións máis destacadas atópanse Macbeth, Rodrigo da ópera Don Carlo, Escamillo de Carmen, Sharpless de Madama Butterfly e Malatesta de Don Pasquale, entre outros.
En colaboración coa Sociedad Filarmónica de Pontevedra.