Catálogo SIMULTÁNEA

Se che apaixona a arte ou se simplemente queres descubrir máis sobre a nosa Colección, temos algo especial para ti. Xa podes descargar de balde o catálogo reducido de SIMULTÁNEA, onde atoparás unha selección das obras máis destacadas da exposición. Dende fotografía ata pintura, pasando por escultura e instalacións, este catálogo permitirache levar unha parte da arte galega contemporánea á túa casa. E é só unha mostra de todo o que preparamos para celebrar os 10 anos de Afundación, xestionando unha das coleccións de arte máis importantes de Galicia.

 

Se queres explorar en profundidade todas as pezas e coñecer máis detalles, non perdas o catálogo completo dispoñible na nosa tenda. Simultánea é unha obra en cartoné de gran formato, de 584 páxinas, con imaxes das 359 obras expostas en «Simultánea» e que conta cos textos analíticos de sete recoñecidos nomes da historia da arte que abordan, nos seus respectivos capítulos, as sete mostras. José Manuel García Iglesias céntrase en «Retratos»; Asunta Rodríguez estuda a «Vanitas» do obxecto contemporáneo e doméstico; Carlos L. Bernárdez describe os «Fluxos e refluxos. A presenza do mar na arte galega»; Federico L. Silvestre trata o «Espazo aberto e natureza»; Miguel Ángel Cajigal, El Barroquista, destaca a «Abstracción. O impacto que o mudou todo»; Mercedes Rozas aborda as «Arquitecturas vividas»; e Pilar Corredoira opta por «Voar coa imaxinación».

 

PVP: 95 €. Desconto promocional de 20 € durante o periodo da exposición, 75 €

Mércao agora na nosa tenda online, AQUÍ

 

Descarga a versión reducida AQUÍ e comeza a túa viaxe pola cultura e a arte en Galicia!