Afundación e ABANCA recibimos dous Premios CECA polo noso compromiso educativo

Na gala anual dos Premios CECA, celebrada en Madrid, Afundación e ABANCA fomos recoñecidas a nivel estatal polo noso destacado labor educativo en sostibilidade e ciberseguridade. Os programas «Educación para a sostibilidade» e «Pon o teu diñeiro a salvo» obtiveron o primeiro premio nas categorías de Medioambiente e Educación Financeira para nenos/as e mocidade, respectivamente.

 
PROGRAMAS PREMIADOS

• Educación para a sostibilidade: Cunha proposta dinámica e multidisciplinar, este programa busca empoderar as novas xeracións fronte aos desafíos ambientais. Desde accións de voluntariado en praias e bosques ata proxectos artísticos e iniciativas educativas en Naturnova, máis de 30.000 persoas participaron este ano.

• Pon o teu diñeiro a salvo: Un innovador programa de educación financeira e ciberseguridade para estudantes de ESO e Bacharelato. A través dun enfoque gamificado, aborda temas como redes sociais, criptomoedas e fraudes en liña. Case 45.000 estudantes de 883 centros participaron este ano.

  

Ambos os programas destacan polo seu enfoque transformador e a súa capacidade para fomentar valores coma a inclusión, a cohesión e a sostibilidade, esenciais para un progreso social equitativo. Miguel Ángel Escotet, presidente de Afundación, recibiu os galardóns en nome de ambas as entidades.