POXA DE XOIAS Monte de Piedade en Vigo

Exposición | 6 a 17 NOV 2023
Vestíbulo da Sede Central de ABANCA (Vigo) en horario de atención ao público

Admisión de ofertas | En sobre pechado, ata o 17 de novembro ás 14.00 h

Celebración da poxa | Apertura de sobre-ofertas na Sede Afundación de Vigo o 21 de novembro de 2023 a partir das 17.00 h

 

Embaixo de todo podes consultar ou descargar o catálogo para a poxa 2023-001.

 

CONDICIÓNS E NORMAS | POXA 2023-001

1. A Fundación Galicia Obra Social con NIF G 70270293, domicilio social en Cantón Grande, 8, da Coruña, inscrita no Rexistro Único de Fundacións de Interese Galego co 2013/12, titular do Monte de Piedade (o «Monte de Piedade», en diante); abre un período de tempo durante o que se admitirán ofertas en sobre pechado para a adxudicación de alfaias por medio de impresos que o Monte de Piedade ten dispostos para este fin. Todas as ofertas que se presenten nese prazo entenderanse referidas ao catálogo que se publica con esa mesma data e que se exhibe no taboleiro de anuncios da oficina do Monte de Piedade. O Monte de Piedade non se responsabilizará de dar curso ás ofertas que entrasen fóra da data e do límite horario establecido para a mesma.

2. O Monte de Piedade organiza a poxa por conta dos prestatarios e actúa, por tanto, como intermediario entre os prestatarios ou vendedores e os compradores.

3. Para participar na poxa, as persoas que vaian tomar parte deberán facilitar toda a documentación precisa que permita ao Monte de Piedade realizar a identificación formal e a identificación do titular real a que se refiren os artigos 3 e 4 da Lei 10/2010, do 28 de abril, de prevención do branqueo de capitais e do financiamento do terrorismo. En particular, sen prexuízo de calquera documentación que o Monte de Piedade solicite, no caso das persoas xurídicas, deberá achegarse dita documentación orixinal con polo menos unha semana de antelación, acudíndose fisicamente na oficina do Monte de Piedade.

4. Previamente á realización da poxa, o Monte de Piedade resérvase o dereito para solicitar aos ofertantes a consignación dun depósito da porcentaxe que se determine do lote ao que a poxa se refira, quedando o importe do devandito depósito retido ata o final da poxa. Dita cantidade consignarase mediante ingreso na conta corrente que o Monte de Piedade indique, referindo no concepto do ingreso o número de lote e identidade do ofertante, importe que, ou será devolto en caso de non ser adxudicatario do lote, ou será detraído da poxa adxudicataria.

5. Os titulares dos resgardos de depósitos dos lotes peñorados que se ofrecen no catálogo poderán cancelar os préstamos correspondentes ata o momento do peche da admisión de ofertas publicitado en cada poxa, nese caso serían retirados e sinalados desta forma na exposición e lugares adecuados.

6. Os lotes do catálogo que non se declararon como retirados, serán adxudicados ao mellor ofertante, e en caso de igualdade ao presentado con máis antelación, sempre igualando ou superando o prezo indicado no mesmo. Non poderán presentarse ofertas por baixo do prezo que figura no correspondente catálogo.

7. Unha vez realizada a apertura de sobres, data que se dá a coñecer na publicación da poxa, e consecuentes adxudicacións, os lotes adxudicados estarán dispoñibles para a súa entrega no Monte de Piedade, unha vez abonada a cantidade ofertada.

8. De non dispoñer da devandita cantidade, a oferta quedará anulada, adxudicándose ao seguinte mellor ofertante ou, no seu caso, declarándoa deserta. De ser adxudicado máis dun lote, a cantidade ofertada aplicarase á primeira ou primeiras adxudicacións e non para as posteriores, que quedarían anuladas.

9. Os adxudicatarios dispoñerán dun período de 7 días naturais inmediatos á data de peche e adxudicación, previa entrega do importe total da mesma, mediante pago por transferencia bancaria á conta ES40 2080 0000 7630 4019 4750. Se transcorrido devandito prazo non se tivese resolvido a operación, procederase de forma indicada na condición 8ª, quedando sen efecto a adxudicación, perdendo o adxudicatario a cantidade depositada, como indemnización por danos e prexuízos.

10. Todo participante vén obrigado a remitir, con anterioridade á entrega do lote, copia dos seguintes documentos e a exhibir os orixinais: documento de identidade -DNI, NIE ou Pasaporte- e exemplar do Modelo 600 presentado perante a Axencia Tributaria de Galicia, acreditativo de pagar a correspondente cota do Imposto sobre Transmisións Patrimoniais e resgardo da transferencia realizada. En caso de persoas xurídicas, ademais dos documentos anteriores, deberán presentar copia do devandito documento de identidade do representante legal e copia autorizada por Notaría da escritura que o acredite, así como as facultades.

11. Os pesos dos lotes expresados no catálogo deben entenderse con carácter aproximado, nos devanditos pesos poden estar incluídos outros metais non preciosos, guarnicións e outros elementos que compoñen as xoias. Cando o catálogo recolle a marca dun reloxo ou doutra xoia, transcríbese, exclusivamente, a que consta na súa esfera ou na mesma xoia. Aínda que os datos sobre os obxectos catalogados se obteñen a base dunha coidadosa investigación, é conveniente que o interesado se asegure antes da poxa da calidade dos mesmos, dado que non se admitirán reclamacións posteriores á mesma, conforme aos costumes internacionais.

12. A mesa que dirixirá a poxa, designada pola Institución, estará formada por un presidente, facultado para suspendela ao comezo ou unha vez comezada, excluír calquera lote que figure no catálogo ou cambialo de orde; e un secretario, quen levantará acta do desenvolvemento da mesma, co visto e prace do anterior e comparecencia de polo menos dúas testemuñas, que poderían ser dos asistentes ao acto de apertura de sobres-ofertas.

13. Na sala de poxas está reservado o dereito de admisión. O presidente da mesa coidará que a poxa se celebre coa debida orde e coas garantías necesarias aos intereses dos concorrentes e os propietarios, estando facultado para dirimir calquera controversia.

14. A participación na poxa presupón a aceptación das condicións anteriores. Calquera caso de litixio será sometido aos tribunais da cidade de Vigo.