Axenda

Paseos pola historia e a cultura de Betanzos e a súa contorna: ruta a Armea e os Caneiros, Espazo +60 Betanzos

Paseos pola historia e a cultura de Betanzos e a súa contorna: ruta a Armea e os Caneiros, Espazo +60 Betanzos

O Espazo+60 Afundación de Betanzos organiza, unha vez ao mes, un paseo pola cultura da historia de Betanzos e a súa contorna, onde as persoas participantes poden achegar os seus coñecementos para descubrir recunchos e coñecer vestixios da historia do municipio. 

O vindeiro 28 de marzo, subirán ata a parroquia de Armea, deténdose na súa humilde igrexa en honor de San Vicente e no monolito que recorda dous personaxes do século XIII, o xograr Pero de Armea e a soldadeira María Pérez "A Balteira", ambos oriundos do municipio de Coirós.
Descenderán ao río Mandeo e seguirán o seu curso ata Betanzos tras pasar polo campo dos Caneiros, coñecido pola súa célebre romaría. Un paseo de menos de 8 km.

A actividade será conducida por persoas voluntarias socias do Espazo +60 de Betanzos, e forma parte do programa voluntariado "O valor da experiencia" da área de Envellecemento Activo de Afundación, que ten como finalidade potenciar o papel activo das persoas maiores na sociedade e favorecer o desenvolvemento de accións interxeracionais e de voluntariado.

Cómpre levar chaleco reflector e respectar as medidas preventivas.

Actividade gratuíta. Prazas limitadas. Apúntate no Espazo +60, chamando ao 981 772 911