MEMORIA AFUNDACIÓN 2022. Un esforzo conxunto por unha sociedade mellor

Presentamos a Memoria anual Afundación 2022 no seu formato dixital navegable. Trátase dun documento que recolle as accións que implementamos para poñer en marcha o noso plan estratéxico 2022-2026, que persegue impulsar a transformación dixital, a sostibilidade, o medio ambiente e a implicación social como eixes transversais ás nosas catro áreas de actuación: educación, maiores, cultura e voluntariado, prestando especial atención aos colectivos vulnerables e á poboación rural galega. 

Así, o ano 2022 pechouse con 1,7 millóns de persoas beneficiarias da nosa actividade. Destacan as persoas participantes en actividades relacionadas co medio ambiente e a solidariedade (case 110 000), en actividades de envellecemento saudable (case 38 000) e en actividades culturais (máis de 1 300 000).
 
 

Nun escenario coma o dos dous anos que precederon 2022, en Afundación, como entidade do terceiro sector de acción social, incrementamos, aínda con maior empeño, o que a psicóloga estadounidense Carol Gilligan denominou «ética do coidado», cuxas características fundamentais consisten en aprender a coidar e exercer a atención e interdependencia, non só de cara ás persoas da nosa contorna, senón tamén cara ao medio natural que nos rodea e sustenta.

Miguel Ángel Escotet. presidente de Afundación. 

 

Consulta o informe completo aquí