III visita guiada á mostra In Tempore Sueborum. Espazo +60 Ourense
As persoas socias do Espazo +60 de Ourense visitarán o próximo 10 de abril a primeira exposición monográfica sobre o reino suevo In Tempore Sueborum. Un total de 262 obxectos do primeiro reino medieval de occidente procedentes de 39 museos de 10 países europeos compoñen a mostra. Xoias de princesas suevas, moedas ou lousas funerarias constitúen pezas únicas -algunhas consideradas desaparecidas-, que se exhiben por primeira vez ao público en Ourense.
In Tempore Sueborum está aberta ao público en tres espazos expositivos da cidade: Marcos Valcárcel, igrexa de Santa María Nai e Museo Municipal.
Prazas limitadas. Visita exclusiva para socios do Espazo +60, previa inscrición.