Mostra «Posesións para un esquecimento»

Do 17 de decembro ao 24 de xaneiro de 2015, a Sede Afundación de Ferrol acolle a mostra fotográfica «Posesións para un esquecimento», I Premio de Fotografía Contemporánea do Outono Fotográfico en 2013. A sala estará aberta para visitas de luns a sábado de 11.00 a 14.00 e de 18.00 a 21.00 h.

«Posesións para un esquecimento» recolle o traballo de Daniel Díaz Trigo. As trinta e unha imaxes das que se compón están organizadas en catro seccións:  «O campo», «A colonización», «As torres do Arneiro» e «O manicomio». Ademais, a cada un dos temas o autor engádelle un texto que nos achega á súa biografía e obra.