Mostra «Santomé, conxunto arqueolóxico natural». Ourense

A Xunta de Galicia, a través do Museo Arqueolóxico Provincial de Ourense, presenta a mostra «Santomé, conxunto arqueolóxico natural» coa finalidade de achegar o importante legado que alberga este espazo. A escasos tres quilómetros do centro urbano atópase Santomé, un complexo arqueolóxico, imprescindible para coñecer unha parte fundamental do pasado da cidade. Nel concorren os valores históricos (característicos dun complexo xacemento arqueolóxico) cos naturais, derivados dunha contorna que non só conserva unha vexetación peculiar senón que goza dun emprazamento privilexiado, con impresionantes vistas sobre a cidade. Visita a mostra na Sala de Exposicións Afundación en Ourense (Praza Maior, 4) do 20 de novembro ao 8 de marzo. 

 

Entrada de balde. 

 

Santomé destaca por ser un dos poucos exemplos da Península onde aínda se pode observar a convivencia, no tempo e no espazo, de dúas culturas moi diferentes: na parte máis elevada, restos dun castro, poboación fortificada propia da cultura castrexa (pobos celtas da Idade de Ferro); na chaira, unha típica vila galaico-romana. Ambos datan do século I d.C., o que pon de manifesto como os modos e formas romanas conviviron en perfecta simbiose coas tradicións anteriores, creando modelos que van pervivir moito tempo na Galicia rural. 

 

Pero ademais, Santomé é un fermoso exemplo de bosque tradicional do val ourensán, de clara tendencia mediterránea, no que destacan os carballos mesturados coas sobreiras, aciñeiras e variedades de piñeiros, ademais dunha gran cantidade de érbedos. Atópase nunha rocha sobre o río Loña, que actuaría como un elemento defensivo máis do castro: ao visitar o lugar, paga a pena bordealo para gozar das vistas sobre as «marmitas de xigante» do río, enormes pedras erosionadas polos remuíños da auga.

 

ESCOLARES 

• Un bosque moi animado. Visita obradoiro de infantil a 3o de primaria
• Unha de castrexos e outra de romanos. Visita obradoiro de 4o de primaria a 2o de ESO

• Santomé, conxunto arqueolóxico natural. Visita obradoiro para 3o e 4o de ESO, bacha-
relato e CF

Prezo: Gratuíta (Patrocinada polo Museo Arqueolóxico Provincial de Ourense)

Sala de Exposicións Afundación Ourense | Praza Maior, 4
areaeducativaourense@afundacion.org | 988 391 746