Exposición O TEU REFLEXO NOUTRA PERSOA: Identidade e reverso na adolescencia, en Santiago de Compostela

«O teu reflexo noutra persoa: Identidade e reverso na adolescencia» é unha mostra de fotografía ideada polo Servizo Educativo Afundación que recolle o resultado do proxecto escolar levado a cabo polo psicólogo e fotógrafo Fuco Reyes en diferentes centros escolares de Galicia. Descúbrea do 7 de marzo ao 29 de xuño na Sede Afundación de Santiago de Compostela.

O nome do proxecto é «O espello de Claude», unha viaxe a través das emocións, desde o punto de vista de alumnado de ESO e bacharelato, que permite experimentar e abordar temas coma o acoso escolar ou a importancia de que as nosas emocións sexan comprendidas e validadas.

Velaquí a proposta da nosa área educativa:

ESO, bacharelato e CF | Relatos salvaxes

Unha apaixonante migración polas emocións para recoñecelas, verbalizalas, compartilas e traballalas. Traballarase cun texto literario e podcast no obradoiro.

ESO, bacharelato e CF | Física cuántica e emocións
A física cuántica asegúranos que unha emoción é enerxía, enerxía que podemos reorientar para mudar o noso mundo. E se fose posible cambiar o noso pensamento para crear novas realidades? Unha didáctica experimental onde xogaremos a cambiar a enerxía que producen as nosas emocións para que a nosa contorna mude canda nós.

 
2 €/escolar

 

Para máis información e reservas, podes contactar no enderezo areaeducativacompostela@afundacion.org ou no 981 552 577