Exposición GALICIA de Nós a nós. Ourense

O 24 de febreiro inauguramos «Galicia, de Nós a nós», unha exposición promovida pola Xunta de Galicia e a Deputación Provincial de Ourense, en colaboración con Afundación, que conmemora o centenario da publicación da revista Nós. Poderase visitar na Sala de Exposicións Afundación de Ourense e tamén unha parte no Centro Cultural Marcos Valcárcel. Con máis de 300 pezas, cedidas por máis de 60 institucións e prestadores privados, trátase da mostra máis completa e ambiciosa sobre a Xeración Nós, grupo de intelectuais galeguistas que contribuíron decididamente, nas primeiras décadas do século XX, ao desenvolvemento, renovación e internacionalización da lingua e da cultura galegas. Visítaa ata o 18 de abril de 2021.

AFONSO VÁZQUEZ-MONXARDÍN FERNÁNDEZ e ANA ACUÑA TRABAZO | COMISARIADO

Exposición sobre a Xeración Nós, enfocada na creación do gran proxecto que supuxo a Revista Nós, un dos referentes imprescindibles da cultura galega do século  XX. Con obras procedentes de diferentes países, Francia, Alemaña e Portugal, ponse o foco nas conexións universalistas da ideoloxía deste grupo de galeguistas nos anos 20 e 30, ofrecendo unha dimensión internacional e aperturista da nosa cultura. 

Levándonos desde o tempo dos considerados pais do galeguismo contemporáneo ata os nosos días, a mostra permite contemplar obras que foron obxecto de estudo da revista, como o Santiago de Morlaix, o Cristo de Santa Eufemia de  Ambía, os esmaltes de  Limoges da Catedral de Ourense ou o ronsel de  Florderrei Lanuxe. Ademais, reúne por vez primeira documentación de distintos arquivos que ilustra o desenvolvemento da revista: estatutos e títulos de socios da Sociedade Nós, recibos, subscricións, axenda, libro de contas, facturas ou correspondencia entre os protagonistas.

Esta exposición da Xunta de Galicia e a Deputación Provincial de Ourense, móstrase na cidade ourensá en colaboración con Afundación.

CATÁLOGO:

GALICIA, DE NÓS A NÓS | MERCAR

Outras PUBLICACIÓNS Á VENDA relacionadas coa temática desta exposición:

XAQUÍN LORENZO: O HERDEIRO DE NÓS | MERCAR

CASTELAO GRAFISTA (FACSÍMILE) | MERCAR

CASTELAO GRAFISTA. Pinturas, dibujos, estampas | MERCAR

MEDIDAS COVID #CulturaSegura

Exposición con todas as medidas de seguridade pertinentes para que poidas gozar da cultura como o fixeches sempre.

- Asistencia obrigada con máscara

- Control da capacidade

- Itinerarios e percorridos marcados para fluidez de público

- Xel hidroalcólico en múltiples puntos dos edificios e salas

- Desinfección rigorosa de espazos 

- Substitución de elementos táctiles e de man (pantalla, interactivos, folletos) por outros elementos audiovisuais que non requiren de contacto físico

- Supervisión na sala por parte de persoal para o cumprimento da distancia de seguridade