Excursión a Lugo, Espazos +60 Betanzos, Pontedeume e Monforte

Os Espazos + 60 de Pontedeume, Betanzos e Monforte, dentro da súa programación activa de lecer, organizan unha excursión a Lugo onde visitarán:

- Museo Domus Mitreo. O museo chámase Domus do Mitreo porque, cando se realizaron prospeccións arqueolóxicas previas á construción do novo edificio, apareceron os restos dunha domus que, durante o Baixo Imperio Romano, foi parcialmente reformada para construír un edificio privado destinado a ser utilizado como mitreo.

- Antigo cárcere con visita guiada. O vello cárcere conta con zonas expositivas, un auditorio, unha biblioteca, un centro de lecer e salas de obradoiros. Un dos edificios está destinado á investigación arqueolóxica con zonas de traballo, almacén e zona de documentación e consulta

- Muralla Romana cun paseo pola súa pasarela para visitar os famosos graffitis de Lugo. Os murais non son só decoracións de parede; son expresións da identidade cultural e social que contan historias a través de cores vibrantes e deseños atrevidos.

O xantar será no restaurante Miraz.

Prezo: 32€ (inclúe traslados e xantar) Inscríbete no teu Espazo +60 antes do 15 de outubro.