O que nos ensinan as emocións para vivir mellor. Unha conversa entre Pura Díaz-Veiga e Sara Marsillas
Nos últimos anos vimos como as emocións e o funcionamento emocional van cobrando máis importancia e son obxecto de análise e debate por parte de moi diversos especialistas. E é que as emocións forman parte da nosa vida. Cambian conforme pasan os anos e nos axudan a transitar polas diferentes etapas vitais. A esfera emocional é clave para a nosa saúde e benestar.
Ao longo da vida, as emocións poden xogar diferentes roles e axudarnos de diferentes maneiras. No propio proceso de envellecemento, a esfera emocional supón un dos principais recursos para unha boa vida. E é por iso que prestar atención ao que sentimos resulta tan esencial como revisar periodicamente a nosa saúde, facer exercicio físico ou relacionarnos con persoas de maneira positiva.
Neste evento estaremos conversando sobre a importancia das emocións ao longo da vida e, en especial, no envellecemento, sobre as súas funcións e reflexionando sobre como podemos utilizalas como recursos que nos axuden a vivir mellor.
RELATORAS:
Pura Díaz-Veiga é psicóloga. Foi investigadora, directora técnica e científica de Matia Instituto e asesora para a transferencia do coñecemento nesta entidade. Na súa traxectoria profesional en Matia Instituto, desde 2009, Pura coordinou diversos proxectos, entre eles “Etxean Ondo Residencias”.
Iniciativa dirixida á transformación do modelo de atención en residencias cara a contornos seguros, caseiros e amigables. Ao longo da súa traxectoria participou en diversos proxectos de Investigación relacionados coa xerontoloxía e a discapacidade. Foi profesora en mestrado e cursos relacionados con Xerontoloxía social e Discapacidade en diversas institucións españolas e de Latinoamérica. Así mesmo, traballou en equipos de investigación da Universidade Autónoma de Madrid e como psicóloga no Equipo de Atención Básica da Delegación Territorial da ONCE en Valladolid.
É autora e coautora de diversas publicacións entre as que destacan a guía “Como nos axudan as emocións a envellecer ben” (2009), os “Cuadernos Prácticos de Atención Centrada na Persoa” (2014) e, máis recentemente o Programa “Coñecendo as emocións” (2022) elaborado xunto con Sara Marsillas no marco da colaboración de Matia Instituto con Afundación. Por último, foi revisora da Revista da Sociedade Española de Xeriatría e Xerontología e formou parte do Comité Técnico desta Sociedade e durante varios anos formou parte da súa Xunta Directiva.
Sara Marsillas é Doutora en Psicoloxía pola Universidade de Santiago de Compostela. Realizou a súa tese doutoral no marco do envellecemento activo, elaborando un índice a nivel individual para medir este concepto.
Actualmente traballa como investigadora na Fundación Matia Instituto en temas relacionados co ámbito xerontológico, como o envellecemento activo e a amigabilidade dos entornos, as emocións en idades avanzadas, a soedade no envellecemento e a súa xestión, así como en diversos proxectos innovadores a nivel nacional e internacional.
Aberto ao público en xeral. Entrada libre ata completar aforo.