Conferencia «As barreiras polas ti» coa psicóloga Irene Villa. Vigo
O 30 de outubro en Vigo e o 31 na Coruña, Irene Villa vénnos falar sobre educación para achegar os seus numerosos coñecementos no campo da psicoloxía, aplicados ao tema de debate que se expón no noso ciclo Educación s. XXI. A conferencia de Irene, «As barreiras polas ti», sorprenderá pola intensidade emocional da súa narración, provocando un contaxio inmediato de actitude positiva. A súa forza e o seu sorriso ensínanche o camiño para «saber que se pode». Apúntate xa a estas conferencias que terán lugar nos nosos edificios:
30 outubro | Sede Afundación Vigo | 19.00 h
31 outubro | Sede Afundación A Coruña | 19.00 h
IRENE VILLA
Firmemente convencida de que as empresas deben situar o ser humano no centro das súas prioridades e defensora da Psicoloxía Positiva, considera que o foco non hai que poñelo na dimensión do problema ou a dificultade: o importante é a actitude coa que afrontamos calquera reto. Na súa opinión: «lamentablemente, non poñemos en valor todo o noso potencial como seres humanos». Embaixadora Europea da Cidadanía, candidata ao Premio Príncipe de Asturias da Concordia, aos Premios da Vitoria en Washington e Premio Nenos de Europa, de mans de Lady Di.
Licenciada en Comunicación Audiovisual e en Psicoloxía e Humanidades, é o mellor exemplo de superación ante calquera obstáculo persoal ou profesional. As súas actividades profesionais compaxínaas co deporte, formando parte do Equipo Nacional de Esquí Alpino Adaptado, conseguindo diferentes galardóns e medallas. Con tan só 12 anos de idade sufriu un grave atentado terrorista en que perdeu as dúas pernas e os dedos dunha man. Esta experiencia non só mudou a súa vida, tamén o seu código de valores, converténdose no mellor exemplo de que sempre hai unha segunda oportunidade ante calquera adversidade. Actualmente desenvolve a súa carreira profesional como xornalista en diferentes medios de comunicación: prensa, radio, TV. É autora de varios libros e novelas. En «Saber que se puede» plasma a súa experiencia persoal baseada na superación das dificultades. En 2013 publica «Nunca es demasiado tarde, princesa» e en 2015 «Como el Sol para las Flores». Dada a súa gran capacidade de comunicación, Irene Villa é solicitada como conferenciante en múltiples foros e congresos a nivel nacional e internacional. O seu exemplo e historia de superación transcendeu internacionalmente. Ninguén mellor ca ela para motivar e amosar o camiño ante calquera reto individual ou colectivo.
PREMIOS
Recoñecida coma unha das 50 mulleres líderes de España, Woman of the Year 2018 nos Awards New York Summit, Embaixadora Europea da Cidadanía, candidata aos Premios Príncipe de Asturias e Premio Nenos de Europa, outorgado por Lady Di.
Con voluntad, optimismo, esperanza y sabiendo que se puede: no hay reto que el ser humano se proponga y no consiga. No hay excusas para no sobreponerse. En tu mano está: luchar o rendirte.
Irene Villa
CICLO EDUCACIÓN S. XXI
Desde Afundación poñemos en marcha este programa de conferencias para dar a coñecer as últimas tendencias, estudos e teorías sobre a aprendizaxe a toda a comunidade educativa, nais e pais, estudantes, docentes e público en xeral. Grandes especialistas xa pasaron polas nosas sedes nas distintas cidades galegas: David Bueno, Xuxo Ruiz, Sergio Castro "Profesor10demates", José Torres, Belén Colomina, Anna Sans, Anxo Carracedo, Jorge Soto, Margarita Pino, César Bona, Javier Urra, Hernán Aldana, Vázquez Taín ou Teresa Viejo, entre outras personalidades. Un enfoque profesional que serve de apoio a familias e á área académica, dando a coñecer varios prismas e metodoloxías.
