Conferencia inVISIBLES con Emma Larreta, en Pontevedra
O vindeiro 25 de marzo na Sede Afundación Pontevedra, desde o ciclo EDUCACIÓN S. XXI de Afundación, traemos a conferencia «Violencias inVISIBLES» con EMMA LARRETA, que tamén dá nome ao proxecto que lidera e co que acaba de ser galardoada co Premio Solidario ONCE 2024. Emma construíu este traballo para concienciar a sociedade, e concretamente as xeracións máis novas, a través da súa experiencia como supervivente dunha agresión machista que lle deixou secuelas físicas permanentes. Transforma o seu testemuño nunha potente mensaxe de concienciación, resiliencia e superación. A través da súa historia e da proxección do documental Ama-das, a conferencia busca xerar un espazo de reflexión e toma de conciencia contra a violencia machista nas súas distintas formas.
Encontro para todos os públicos, especialmente indicado para adolescentes, docencia e familias.
PONTEVEDRA
Esta conferencia enmárcase dentro do programa solidario CULTURA POR ALIMENTOS, en colaboración coa Federación Española de Bancos de Alimentos. Convidamos todas as persoas que asistan a este evento a traeren unha doazón de produtos non perecedoiros, que poderán depositar á entrada do recinto, destinados ao banco de alimentos local. Grazas!
O é unha iniciativa visceral e innovadora coa que Emma Larreta quere compartir a súa traxectoria na creación de espazos para a reflexión, a superación e a posta en valor do crecemento persoal e a educación en valores. O proxecto divídese en dúas áreas principais: institucións educativas e contornas corporativas. A través de inVISIBLES, ofrece poderosas charlas e obradoiros deseñados para fomentar a resiliencia, mellorar as relacións interpersoais e fortalecer o benestar comunitario.
O núcleo do é profundamente persoal e está arraigado nas experiencias de vida de Emma. Despois de enfrontar un evento que cambiou a súa vida, Emma emerxeu cun fondo sentido de gratitude e un desexo de retribuír a comunidade. Este sentido de propósito é a forza motriz detrás de , onde Emma canaliza a súa enerxía para axudar outras persoas a navegaren os seus propios desafíos. A súa capacidade de conectar coas persoas é un privilexio e o seu traballo é unha testemuña do poder da narración e o impacto que pode ter en individuos e comunidades.
A través de compartir as súas propias experiencias de vida, Emma axuda o estudantado a reflexionar sobre os seus desafíos persoais, fomentando unha mentalidade de resiliencia e crecemento persoal. O programa traballa o desenvolvemento de valores compartidos coma o respecto, a empatía e a cooperación entre a comunidade estudantil e enfatiza a importancia de manter unha perspectiva positiva, explicando que o poder da actitude, mesmo fronte á adversidade, é crucial para avanzar e empoderarse.
Máis sobre Emma na súa web www.emmalarreta.es
CICLO EDUCACIÓN S. XXI
Un programa de conferencias para dar a coñecer as últimas tendencias, estudos e teorías sobre Educación a toda a comunidade escolar, desde as familias ao propio estudantado e, por suposto, ao equipo docente. Grandes especialistas xa pasaron polos nosos edificios nas distintas cidades galegas, ofrecendo o seu enfoque profesional para apoiar a educación desde a casa e desde a escola.