Concertos DO SILENCIO Á EMOCIÓN III. Música e maxia, en Pontevedra

Do silencio á emoción é un ciclo de concertos en colaboración coa Camerata Arven que convida a escoitar a música clásica desde un punto de vista diferente, rompendo barreiras e integrando diferentes artes escénicas. Ao comezo resumirase a historia das obras de concerto, facilitando a escoita, permitindo a participación do público e o seu achegamento á orquestra. Pásate pola Sede Afundación Pontevedra o 25 de abril para asistir a un dos concertos máis divertidos do ciclo, destinado a familias.
Dentro do programa Cultura por Alimentos, convidámoste a colaborares cunha doazón de alimentos non perecedoiros para poderes asistir aos concertos, e así axudar os Bancos de alimentos locais.
En colaboración con FESBAL, Federación Española de Bancos de Alimentos.
Reserva xa as túas entradas en Ataquilla.com.
PROGRAMA
MÚSICA E MAXIA
A PANTASMA MELÓMANA con Pablo Puga e Xulio Merino
A pantasma amante da música leva décadas colándose nos concertos, senta nun asento baleiro, escoita e desaparece. Ante tal escándalo, o noso perspicaz investigador Xulio Merino vai de teatro en teatro na procura de Camilo e dos fenómenos paranormais que proban a súa existencia.
Nada máis comezar o concerto, maxia e música entrelázanse baixo a dirección de Pablo Puga. Aínda que parece que o concerto podería suceder con total normalidade, un estraño individuo implícanos na procura de cinco elementos para que a pantasma érgase do seu asento e demostre que está entre nós.
Ao longo desta busca divertida e absurdamente innecesaria, atoparemos xogos de maxia que acompañan a cada peza musical, que nos guían entre a comedia e as historias de pantasmas.
Seremos quen de reunir o necesario para atopar a pantasma de Camilo?