Curso de arte: A arte románica nas vilas e cidades de Castela e León, impartido por Javier Ocaña, en Vigo

A arte románica naceu das mans de homes expertos que construían edificios eclesiásticos, cobraban por iso e se movían cos seus modelos arquitectónicos e escultóricos por toda a xeografía europea. Foi un modus vivendi moi estendido nos séculos XI e XII, pero fundamentalmente arrancou da necesidade da alma dos cristiáns que oraban nesas igrexas e da fe que puxo en movemento a formación dunha das máis interesantes facetas artísticas da humanidade.

Así, a arte románica pasou a ser un conxunto que representaba a unión da fe e as súas consecuencias na historia da arte. Iso pódese comprobar no Camiño de Santiago, que o percorrían os peregrinos por fe, cos pés, mais que o construían os canteiros, escultores e albaneis coas mans, á vez que os mestres de obras cos planos baixo o brazo. Produciuse, tamén, como consecuencia da esixencia dunha poboación ávida de recintos relixiosos onde celebrar os ritos do culto cristián e proporcionar un digno habitáculo á función litúrxica nunha demografía explosiva a partir do ano 1000.

Neste curso que programamos ímonos ocupar deses edificios que se desenvolveron nas vilas e cidades de Castela e León, prescindindo do mundo rural, que fomos analizando noutras ocasións.

 

Programa

- Introdución: 1. Artes anteriores á arte románica. 2. Etapas da arte románica

- Soria: 1. San Juan de la Rabanera. 2. Claustro de San Pedro. 3. San Juan de Duero. 4. Fachada de Santo Domingo

- Ávila: 1. A muralla. 2. San Andrés. 3. San Pedro. 4. San Vicente

- Benavente: 1. Santa María del Azogue. 2. San Juan del Mercado

- Toro: 1. Colexiata de Santa María la Mayor

- Zamora: 1. Apuntamentos históricos. 2. Santiago el Viejo. 3. San Claudio de Olivares. 4. Santa María de Horta. 5. Santo Tomé. 6. Santa María de Portanova. 7. Santiago del Burgo. 8. San Cipriano. 9. Santa María la Nueva. 10. Santa María Magdalena. 11. San Isidoro. 12. A Catedral

- Salamanca: 1. A Catedral Vella. 2. Outros monumentos urbanos

- León: 1. Colexiata de San Isidoro. 2. Outros monumentos urbanos. 3. Carrión de los Condes. 4. Igrexa de Santiago. 5. Igrexa de Santa María

- Frómista: 1. Igrexa de San Martín

- Segovia: 1. A cidade nos seus monumentos. 2. San Millán. 3. San Juan de los caballeros

 

Datas: Mércores, do 19 de novembro de 2014 ao 27 de maio de 2015

Horario: 19.00 a 20.00 h

Prezo: 100 €

Prazas: 125

Docente: Javier Ocaña, historiador

Inscrición en Servinova