Curso de repuxado de coiro, Espazo +60 Ferrol

O Espazo +60 Afundación de Ferrol vai poñer en marcha un curso de repuxado de coiro. Neste obradoiro de artesanía aprenderán a facer traballos sinxelos con coiro: colgantes, chaveiros, carteiras... O repuxado consiste en gravar figuras ou adornos sobre pezas de coiro e é unha práctica que se iniciou varios séculos atrás en Europa. Neste século adquiriu a súa dimensión artística actual e é cada vez máis prezado.

A actividade será conducida por Fina Taibo, persoa voluntaria, socia do Espazo +60 Ferrol, e forma parte do programa de voluntariado “O valor da experiencia” da área de Envellecemento Activo de Afundación, que ten como finalidade potenciar o papel activo das persoas maiores na sociedade, favorecer o desenvolvemento de accións interxeracionais e de voluntariado.

Curso gratuíto. Apúntate no Espazo +60 entre o 28 de xaneiro e o 8 de febreiro.