Conferencia FALEMOS DO SUICIDIO con LUIS FERRER I BALSEBRE en Santiago de Compostela

O 13 de outubro, en directo ou en streaming, propoñemos a toda a comunidade escolar galega o encontro "Falemos do suicidio", onde se abordará de maneira directa o tema da saúde mental e as súas consecuencias. O experto Luís Ferrer i Balsebre fará unha breve introdución sobre aspectos históricos e antropolóxicos do suicidio, factores de risco, intervención e prevención da conduta suicida.
 

Coa colaboración da Real Academia Galega de Medicina.

 
As mortes por condutas suicidas en menores aumentaron exponencialmente nos últimos 30 anos en todo o mundo e a pandemia non mellorou a situación. Especialistas de distintas disciplinas coinciden en que é necesario tratar o tema para facerlle fronte, sen sensacionalismos e con fontes fiables, por iso arrincamos o curso escolar e o noso ciclo de conferencias Educación s. XXI con este encontro, que presentará información valiosa e axudará a visibilizar esta problemática social. Podemos tomar medidas de detección e protección que persoas expertas na materia, como Luís Ferrer i Balsebre, están dispostas a compartir coa comunidade.
 
Ademais de familias e docencia, poderán asistir á charla menores desde 14 anos, cursando 3º, 4º ESO, bacharelato e C.F. Celebrarase na Sede Afundación de Santiago de Compostela en modo presencial e con emisión en streaming para centros escolares.
 
LUÍS FERRER I BALSEBRE é doutor en Medicina, ademais de psiquiatra e psicoterapeuta. Ocupou o cargo de xefe do Servizo de Psiquiatría do CUAC e o CHUS. É tamén académico numerario titular da cadeira de Psiquiatría da Real Academia Galega de Medicina.

CICLO EDUCACIÓN S. XXI

Un programa de conferencias para dar a coñecer as últimas tendencias, estudos e teorías sobre Educación a toda a comunidade escolar, ás familias ao propio estudantado e, por suposto, ao equipo docente. Grandes especialistas xa pasaron polos nosos edificios nas distintas cidades galegas, ofrecendo o seu enfoque profesional para apoiar a educación desde a casa e desde a escola. 

MÁIS INFO AQUÍ.