Conferencia EDUCACIÓN S. XXI con RAFAEL SANTANDREU «A arte de non amargarse», en Santiago de Compostela

O xoves 25 de abril, o prestixioso psicólogo clínico RAFAEL SANTANDREU ofrece dous encontros con motivo do ciclo EDUCACIÓN S. XXI no Auditorio ABANCA de Santiago de Compostela. O primeiro deles, dirixido a escolares, será ás 11.00 h, e o segundo pase para público xeral, pola tarde, ás 19.00 h.
 
ESCOLARES | 11.00 h | INSCRICIÓN
PÚBLICO XERAL | 19.00 h | INSCRICIÓN

 
Nesta conferencia aprenderemos o ABC da psicoloxía cognitivo-condutual, a forma de terapia máis eficaz segundo todos os estudos, que millóns de persoas levaron a cabo con éxito. Falaranos sobre a sorprendente capacidade de cambio que posúe o cerebro. Co adestramento adecuado, podemos pasar do nerviosismo á tranquilidade, da timidez á extraversión, do medo á despreocupación.

 

Rafael Santandreu é psicólogo e autor de libros súper vendas, traducidos a máis de 20 linguas. Foi profesor en diferentes universidades e agora dirixe o Centro de Terapia Breve, un dos centros máis solicitados do noso país, con sedes en Madrid, Barcelona e Sevilla.

 

Esta conferencia enmárcase dentro do programa CULTURA POR ALIMENTOS impulsado por Afundación, a Obra Social ABANCA, en colaboración coa Federación Española de Bancos de Alimentos para incrementar os recursos do banco de alimentos local. Convidamos todas as persoas que asistan a este evento a colaborar con esta campaña solidaria coa doazón de produtos non perecedoiros, que poderán depositar á entrada do recinto.

 

CICLO EDUCACIÓN S. XXI

Un programa de conferencias para dar a coñecer as últimas tendencias, estudos e teorías sobre Educación a toda a comunidade escolar, desde as familias ao propio estudantado e, por suposto, ao equipo docente. Grandes especialistas xa pasaron polos nosos edificios nas distintas cidades galegas, ofrecendo o seu enfoque profesional para apoiar a educación desde a casa e desde a escola. 

 

MÁIS INFO AQUÍ.