Concerto SuperArte – Inclusión a través da música, en Vigo

Desde o proxecto «SuperArte – Inclusión a través da música», en que artistas con e sen discapacidade demostran que o talento non ten barreiras, traemos o CONCERTO SUPERARTE, en colaboración coa Fundación SIFU, o xoves 3 de maio á Sede Afundación Vigo (Policarpo Sanz, 26).
A Fundacion SIFU traballa co obxectivo de promover e fomentar a inserción social e laboral das persoas con discapacidade traballando na sensibilización e concienciación social, a integración sociolaboral e a Responsabilidade Social Empresarial.
Hai 10 anos, iníciase o proxecto Superarte de cultura e arte inclusiva. Este proxecto naceu co obxectivo de promover a cultura e a arte inclusiva para dar oportunidade ás persoas con discapacidade de desenvolver o seu talento no ámbito das artes escénicas e favorecer que consigan un futuro profesional neste campo.
A Fundación SIFU, colaborador co evento de arte inclusiva máis importante de Europa, aposta polo desenvolvemento de tecnoloxías que faciliten o acceso de persoas con discapacidade á música e á danza, desenvolvendo tecnoloxías como o EyeHarp, o Travel Sax ou o Oxi One.