Concerto Presentación de MÚSICA EN COMPOSTELA 2024, en Vigo
O sábado 29 de xuño, o Auditorio do Teatro Afundación de Vigo (Rúa Marqués de Valladares) acolle o concerto de presentación do LXVI Música en Compostela, Premio da Cultura Galega 2022. Trátase de cursos universitarios e internacionais, desenvolvidos desde o ano 1958 polo guitarrista Andrés Segovia, que levan a cabo un labor docente de preservación, coñecemento e difusión do noso patrimonio musical, ademais de contribuír a difundir a música española no exterior. O recital trae un rico repertorio con Miguel Borrego ao violín, Isabel Pérez Dobarro ao piano e Rafael Yebra ao saxofón.
Asistencia de balde ata encher a capacidade.
Unha actividade do proxecto CULTURA POR ALIMENTOS, o noso programa solidario en colaboración con FESBAL para axudar os bancos de alimentos locais. Asiste coa túa doazón!
Os cursos de Música en Compostela reúnen cada ano, desde 1958, uns 80-90 alumnos e alumnas de todo o mundo. A pasada edición de 2023 acolleu estudantes de vinte e seis países: USA, O Canadá, Ucraína, A China, Xapón, Korea, O Brasil, A Arxentina, México, Ecuador, Portugal, Francia, Suíza, Alemaña, Grecia, Serbia, Polonia, Italia, Bélxica, Holanda, Australia, Venezuela, Porto Rico, Costa Rica, O Panamá e A República Dominicana. Ao longo dos anos participaron figuras destacadas da Música Española como Montserrat Caballé, Alicia de la Rocha, Federico Mompou ou Antón García Abril.
Duración do concerto 80 min
Todos os públicos
PROGRAMA
Juan Durán (1960) …………………………………………………………… Fantasía sobre Negra Sombra (2012)
Alicia Díaz de La Fuente (1967)....…………………………………………………… Color de invierno (2018/19)
Jacobo Gaspar (1975).…………………………..……………………………………………….. Rumor de frío II (2016)
María Mendoza (1975)..…………………………………………………………………………….. Devil’s Dance (2013)
Carme Rodríguez (1996)………………………………………………………. Alalá das Paisaxes Verticais (2021)
Jesús de Monasterio (1836-1903) …………………………………………………… Adiós a la Alhambra (1855)
Enrique Granados (1867-1916)…………………………………………. Sonata para violín y piano (ca. 1908)
Esteban Sanz Vélez (1960)…………………………………………………………………………………….. Jaikus (2001)
Manuel de Falla (1876-1946) ……………………………………… Danza Española de La Vida Breve (1905)
