Ciclo "COIDAR AO COIDADOR INFORMAL" - Cátedra ABANCA-AFUNDACIÓN / ICADE Lonxevidade, Economía e Sociedade
A Cátedra "ABANCA-AFUNDACIÓN/ICADE Lonxevidade, Economía e Sociedade" de Afundación Abanca e a Universidad de Comillas organiza o ciclo "Coidar o coidador informal", dirixido a coidadores informais e/ou familiares de persoas maiores dependentes.
Vivimos nunha sociedade lonxeva, cunha esperanza de vida que aumenta e unha proporción de persoas maiores cada vez máis numerosa. Aínda que moitas persoas maiores viven cunha boa calidade de vida e autonomía, este aumento da lonxevidade leva consigo que uns destes anos gañados á vida se vivan tamén con dependencia e necesidade de coidados. Unha persoa dependente defínese como aquela que necesita da axuda doutra persoa para realizar as súas actividades básicas da vida diaria. En España, estes coidados lévanos a cabo maioritariamente os familiares.
A prestación de coidados a un familiar supón unha responsabilidade engadida. Os coidadores informais e/ou familiares vense inmersos no coidado dunha persoa maior en situación de dependencia, en moitas ocasións sen os coñecementos técnicos nin as habilidades e destrezas necesarias para o seu coidado, o que lles pode supoñer unha serie de consecuencias na súa vida social, familiar, laboral e emocional, que fan que tamén sexa necesario coidalos a eles, estendendo a cadea de coidados.
Por outro lado, cos recursos e apoios necesarios, o proceso de coidar pode ser transformador e levar tanto a persoa necesitada de coidados como o coidador a crecer e a obter aspectos positivos deste encontro mutuo. Nesta liña, ninguén pode quedar fóra das marxes do coidado, de xeito que o coidador tamén debe coidarse a si mesmo.
É importante aprender a quererse, coidar a propia saúde, tanto do corpo como da mente e do espírito. É indispensable mellorar o coñecemento dun mesmo en todos os niveis, coñecer os propios puntos fortes e os lados máis débiles ou vulnerables, as virtudes e os defectos.
A quen vai dirixido?
A coidadores informais e/ou de persoas maiores dependentes
Contido das sesións
19 de abril Que significa ser coidadora ou coidador?
Nesta sesión darase resposta ás seguintes preguntas: quen é o coidador?, que papel ten?, sempre se requiren os mesmos coidados?, que nos levou a coidar?, como o afrontamos?
Relator: Dr. Andrés Losada
10 de maio: Posibles consecuencias do coidado
Achegamento ás posibles consecuencias que pode ter na saúde do coidador a tarefa de coidar, así como nas súas relacións sociais e familiares. Coñecer os sinais de alarma e a necesidade de autocoidado
Relator: Dr. Manuel Nevado
21 de xuño: Coidando o mellor posible
Abordaranse aspectos como os coidados posturais para o coidador, como mobilizar o paciente con pouca mobilidade, prevención e cura de úlceras por presión, incontinencia, etc.
Relatores: Dra. Mª Jesús Martínez Beltrán e D. Daniel Fernández Robles
20 de setembro: Benestar emocional do coidador. Estratexias para coidarse coidando I
Traballaranse estratexias para aliviar o estrés no día a día, fomentando a escoita respectuosa dun@ mesmo, a autoempatía e a xestión emocional para afrontar os retos e tarefas de coidado, activando a motivación para construír hábitos de saúde e autocoidado na persoa coidadora.
Relatora: Dna. Mónica Torres
18 de outubro: Benestar emocional: Estratexias para coidarse coidando II
Traballarán sobre aqueles aspectos que non nos axudan a coidarnos e que nos fan sentir mal, como poden ser: a culpa, pensamentos que nos fan sentir mal, etc.
Relatora: Dra. Laura Bermejo
15 de novembro: Benestar espiritual do coidador
Potenciar os recursos espirituais que nos permiten ver a vida de forma diferente, tomar decisións complexas, asumir responsabilidades ou realizar tarefas que abranguen o coidado do familiar enfermo na súa totalidade (coidado físico, social, psicolóxico e espiritual).
Relator: Dr. Javier López
13 de decembro: Recursos psicosociais
Coñecer cales poden ser as necesidades que vai a ir presentando a persoa maior e cales son os recursos psicosociais que teñen á súa disposición para poder utilizalos nos distintos momentos do coidado.
Relatora: Dna. Marta Cubero García
21 de febreiro: Como coidar ética e humanamente
Coidar non sempre é sinxelo, pero hai que facelo o mellor posible, e para iso vanse achegar algunhas orientacións de como facelo cando os límites da ética e a humanización non son claros: respecto á autonomía das persoas, comprensións da beneficencia distorsionadas, conflitos de valores, as difíciles fronteiras da vida, a morte e a dignidade, etc.
Relatora: Dra. M. Carmen Massé
Cando
3º mércores do mes
Lugar
Horario
De 10.00 a 12.00 horas
Inscricións
Aberto ao público en xeral. Prazas limitadas. Apúntate no Espazo +60