Mostra Internacional de Cine e Educación CINEDUCA en Santiago de Compostela

A sociedade debe formular o seu sistema educativo, e para iso o cinema é unha poderosa ferramenta que expón as problemáticas existentes e posibilita o debate. Así pois, a Mostra Internacional de Cine e Educación (CINEDUCA) chega para dar luz e apoiar o cambio e a xestión educativa. Do 19 de abril ao 18 de maio a nosa Sede Afundación en Santiago de Compostela, sita na Rúa do Vilar, acolle estas proxeccións, iniciándose cunha presentación da obra, de aproximadamente dez minutos, e logo no remate un coloquio entre as persoas asistentes.

Esta mostra complétase cun conxunto de pezas audiovisuais realizadas nos centros de ensino, procurando así impulsar a creatividade, fomentar a expresión a través dos novos medios e dar a coñecer o traballo levado a cabo neste eido por ensinantes e alumnado. Atendendo a este obxectivo, hai un concurso dirixido a todos os niveis educativos e escolas audiovisuais e deberá cumprir cos requirimentos indicados nas bases. Podedes consultalas no PDF descargable de embaixo.

 

FILMES

19 ABR | Entre les murs (A clase) | Francia, 2008 | Director: Laurent Cantet | Presenta: Miguel Zabalza, catedrático de Didáctica e Organización Escolar da USC.

26 ABR | Inherit the wind (A herdanza do vento) | USA, 1960 | Director: Stanley Kramer | Presenta: Antón Porteiro, ex-asesor técnico na Dirección Xeral de Centros da Consellería de Educación da Xunta de Galicia.

3 MAI | Los días del pasado (Os días do pasado) | España, 1977 | Director: Mario Camus | Presenta: José Manuel González Herrán, catedrático de Literatura Española e Profesor emérito da USC.

4 MAI | Être et avoir (Ser e ter) | Francia, 2002 | Director: Nicolas Philibert | Presenta: Fernando Redondo Neira, Profesor de Comunicación audiovisual da USC.

10 MAI | Song for a raggy boy (Os nenos de San Xudas) | Irlanda, 2003 | Director: Aisling Walsh | Presenta: Manuela Palacios, profesora de Filoloxía Inglesa, experta en literatura e cultura irlandesas.

11 MAI | Les grands esprits (O bo mestre) | Francia, 2017 | Director: Olivier Ayache-Vidal | Presenta: Xosé Armas, director do Departamento de Didácticas aplicadas da USC.

19.00 h todas as proxeccións

 

CONFERENCIAS E DEBATES

Mesa redonda «Educación en valores a través do cine» Participan: Miguel Vázquez Freire, Profesor de Filosofía no Ensino Medio, e outros Profesores de Educación Primaria e Secundaria. Luns, 25 de abril de 2022 | 19.30h Lugar: Sede Afundación (Rúa do Vilar, 19)

Mesa redonda «Educación e maltrato» Participan: Manuel Armas, coordinador de equipos de orientación escolar para problemas de conduta; e Esther Piñeiro, representante das Asociacións de ANPAS. Luns, 9 de maio de 2022 | 19.30h Lugar: Sede Afundación (Rúa do Vilar, 19)

 

PREMIO ATENEO CINEDUCA

Proxección dos traballos seleccionados. Entrega de Premios e clausura da Mostra
Mércores, 18 de maio de 2022 | 19.00h Lugar: Teatro Principal

 

Esta actividade enmárcase en CULTURA POR ALIMENTOS, unha iniciativa de Afundación en prol de FESBAL (Federación Española de Bancos de Alimentos) para axudar os bancos de alimentos locais. Accede ás actividades nos nosos edificios e colabora, doando algún alimento non perecedoiro.

Entra aquí e infórmate polo miúdo.

 

Organiza: Ateneo de Santiago

Colabora: Afundación

Patrocina: Concello de Santiago e Deputación da Coruña