Conferencia con RAÚL BERMEJO Educar en e con creatividade. AfundaciónTV

O 25 de xaneiro en Afundación TV teremos outra cita co ciclo «Educación s. XXI». Nesta ocasión, un encontro virtual co mestre e edu-influencer Raúl Bermejo, especialista en neurodidáctica e creatividade, autor de varios libros de éxito entre docentes e familias con interese en como educar hoxe. A modo de masterclass, Raúl falará da importancia de educar os nenos e nenas de hoxe na creatividade (a gran ferramenta humana para solucionar problemas no día a día), pero tamén a educar con creatividade (docentes e familias). Proporcionará exemplos, experiencias e propoñerá dinámicas para aplicar na aula e o fogar.