Curso Certificado en Cultura do Viño. Nivel I. A Coruña

Os luns do 9 de abril ao 7 de maio a Sede Afundación da Coruña acolle o curso cata «Certificado en cultura do viño. Nivel I. Viños de Galicia». Non perdas este primeiro achegamento aos viños da nosa contorna: variedades de uva, climas, solos, formas de cultivar… Descubre tradicións milenarias, paisaxes de conto e viticultores comprometidos coa beleza.

Este nivel está dirixido a afeccionados ao mundo do viño, así como a profesionais de adegas e hostalería e a todas aquelas persoas que se queiran iniciar na cultura do viño e na cata técnica. Este curso constitúe o primeiro achegamento ao mundo do viño, iniciando o seu estudo polas 10 claves básicas para aprender a interpretalo e gozalo, aplicando estes conceptos aos viños de Galicia.

O curso estrutúrase en catro sesións en que poderemos aprender contidos teóricos aplicados aos viños que se elaboran en Galicia á vez que catamos cinco viños diferentes por sesión. 

Para obter a Certificación de Nivel I, o alumno deberá:

• Asistir ás sesións presenciais do curso (10 horas)
• Superar o exame tipo test de coñecementos básicos

PROGRAMA:

• Contidos teóricos: As 10 claves básicas para gozar do viño: A historia, a percepción, o solo, o clima, a uva, a viticultura, o traballo en adega, o servizo, a maridanza e o mercado e as novas tecnoloxías. 
• Contidos prácticos: Cata de vinte viños diferentes. 

Prezo: 90 € (+ gastos xestión)

Máximo 15 participantes

Afundación resérvase o dereito a anular o curso o día antes do comezo se non se alcanza o número mínimo establecido.