Camiño francés (103 km)
3 de xuño – Etapa Sarria – Portomarín (22 km)
Traslados desde os Espazos +60 Afundación de Betanzos - A Coruña - Pontedeume - Ferrol - Viveiro - Lugo - Monforte e Ourense ata o hotel de Lugo.
Chegada ao hotel e punto de encontro co guía que nos explicará a organización da viaxe. A vixésimo sétima xornada é para unha boa parte dos camiñantes a primeira, xa que Sarria se encontra moi preto dos míticos e últimos 100 quilómetros, a distancia mínima que hai que percorrer a pé para ganar a Compostela. A etapa non defrauda en absoluto, nin ao principiante nin ao experimentado peregrino. Ofrece incontables aldeas dos concellos de Sarria, Paradela e Portomarín, bos exemplos do románico, pistas veciñais asfaltadas, sendas e corredores rurais, pontes medievais e pasarelas rústicas...
Xantar no hotel ou restaurante. Cea e aloxamento no hotel de Lugo.
4 de xuño – Etapa Portomarín – Palas de Rei (24 km)
Almorzo. A etapa está fraccionada pola serra de Ligonde, que á súa vez divide as cuncas dos ríos Miño e Ulloa e os concellos de Portomarín e Monterroso. Aínda que o comezo é prometedor e obsequia cun apracible ascenso polo monte San Antonio, o resto continúa xunto a estradas modestas, provinciais e mesmo nacionais. Non obstante, amenizarán a nosa viaxe bos exemplos de igrexas románicas, incluída a posibilidade de desviarse cara a Vilar de Donas para visitar a de San Salvador, antigos hospitais de peregrinos e o valioso cruceiro de Lameiros.
Xantar no hotel ou restaurante. Cea e aloxamento no hotel de Lugo
5 de xuño – Etapa Palas de Rei – Melide (16 km)
Almorzo. O camiño Francés abandona Palas polo Campo dos Romeiros, tradicional lugar de encontro de peregrinos, para entrar na aldea medieval de Leboreiro. Entre Leboreiro e Melide, cruzaremos a aldea de Furelos e o seu río a través dunha ponte medieval para entrar na zona urbana de Melide.
Xantar no hotel ou restaurante. Cea e aloxamento no hotel de Lugo
6 de xuño – Etapa Melide – Arzúa (14 km)
Almorzo. Despois de Melide, pasaremos por Boente e Castañeda para chegar a Arzúa, vila queixeira. O camiño preséntase nesta etapa dócil e en moi bo estado, mesturando terra e pedra con pequenas estradas entre poboacións, con suaves ascensos e descensos, alternando con tramos chairos. Xantar en ruta ou no hotel. Traslado ao hotel de Santiago de Compostela. Cea e aloxamento no hotel de Santiago
7 de xuño – Etapa Arzúa – O Pino/Amenal (19 km)
Almorzo. O concello de Arzúa cede o testemuño ao do Pino nun traxecto cómodo, con pendentes máis fáciles e por pistas sempre próximas á N-547. Xantar en ruta ou no hotel de Santiago. Cea e aloxamento no hotel de Santiago.
8 de xuño – Etapa O Pino/Amenal – Santiago de Compostela (22 km)
Almorzo. Xa case estamos chegando á nosa meta. Sobre pistas de follas, entre as últimas manchas de bosques de piñeiros e eucaliptos, moi xuntos e simétricos, nalgunhas zonas, tamén algúns carballos, chegan as últimas aldeas. A etapa é curta e levaranos ata o municipio de Lavacolla. Ao chegar ao cumio, pasaremos ao carón do aeroporto e comezaremos o suave descenso cara a Lavacolla, por onde pasa un regato que os antigos peregrinos utilizaban para lavarse e purificarse antes de chegar a Santiago de Compostela. Lavacolla, xa no termo de Santiago, atópase moi preto do Monte do Gozo, unha pequena elevación desde a cal os peregrinos teñen por vez primeira a visión da Catedral de Santiago. O Monte do Gozo, reconvertido no Xacobeo 93 nunha zona para peregrinos, ten un gran monumento no seu cume, unha fonte e a capela de San Marcos. Desde aquí, o percorrido será practicamente urbano, chegando á Catedral a través do barrio de San Lázaro, rúa de San Pedro, porta do camiño, rúa das Casas Reais e praza de Cervantes, para baixar directamente á Catedral e acceder pola Porta Santa ou, se non é Ano Santo, pola de Acibechería. Xantar en ruta ou no hotel. Cea e aloxamento no hotel.
9 de xuño - Santiago de Compostela – Espazos +60
Almorzo. Tempo libre en Santiago ata o traslado de regreso aos Espazos +60