Aprende maxia e a arte de ilusionar con Pedro Volta, Espazos +60

Os Espazos +60 Afundación acollerán durante o mes de novembro obradoiros de maxia. Imaxina aprender incribles números de maxia para sorprender os teus amigos e familiares da man do ilusionista galego Pedro Volta.

Imaxina poder aprender e compartir a experiencia xuntando tres xeracións: fillos/as, pais/nais e avós/as.

Unha actividade sorprendente e orixinal con obxectos cotiáns, moedas, cartas, gomas, billetes... onde aprenderás a maxia de ilusionarte e ilusionar.

O obxectivo do obradoiro é que a experiencia sexa compartida entre pais/nais, fillos/as e avós/as. O programa do taller está deseñado para que nenos/as desde 7 anos e adultos aprendan conxuntamente algúns dos segredos da maxia para que eles mesmos se convirtan en magos por un día.

Duración do obradorio: 90 minutos

Prezo: 15€/persoa. Regalarase a cada participante unha entrada dobre para asistir á Gala Internacional GALICIA MAGIC FEST para este Nadal e un kit máxico para o obradoiro. Entre todos os asistentes sortearanse dous exemplares do libro O Pazo Máxico.

Apúntate no teu Espazo +60!

Actividade para socios dos Espazos +60 e familiares. Aínda non eres socio. Asóciate

Espazo +60	Data	Hora
A Coruña	30 de novembro	18.30 h
Ferrol	20 de novembro	17.30 h
Betanzos	29 de novembro	18.00 h
Pontedeume	22 de novembro	18.00 h
Santiago	28 de novembro	18.00 h
Monforte	18 de novembro	17.30 h
Lugo	27 de novembro	17.00 h
Viveiro	16 de novembro	17.00 h
Ourense	14 de novembro	17.00 h
Pontevedra	23 de novembro	18.00 h
Vigo	21 de novembro	18.00 h