+60 online: Exprésate a través da fotografía dixital

Se fas fotografías co teu móbil e queres mellorar aprendendo a técnica da composición, tes unha cámara réflex e non sabes como usala, ou simplemente queres aprender os fundamentos da fotografía, este curso é para ti.

Aprenderás a expresarte e a narrar historias coa fotografía, empregando as técnicas básicas da composición. Realizarás prácticas e exercicios de cada un dos temas que se comentarán e analizarán entre todos na aula.

 

CONTIDOS:

Introdución: Que é a fotografía, a cámara fotográfica, tipos de cámaras, tipos de lentes.
Encadre e composición: Punto de interese, regra dos tres terzos, horizontes, liñas, lei da mirada, claves e tipos de luz.
Grandes fotógrafos da historia e técnicas compositivas empregadas por cada un deles. Exercicios para poñer en práctica.

1. Henri Cartier- Bresson (Francés, 1908-2004)
2. Robert Doisneau (Francés, 1912-1994)
3. Robert Capa (Húngaro, 1913-1954)
4. Diane Arbus (Estadounidense, 1923-1971)
5. Alberto Korda (Cubano, 1928-2001)
6. Joseph Koudelka (Checoslovaco, 1938-)
7. Sebastião Salgado (Brasileiro, 1944-)
8. Annie Leibovitz (Estadounidense, 1949-)

 

O curso será impartido por Begoña Pérez López, fotógrafa e técnica en produción audiovisual con máis de 10 anos de experiencia en distintas produtoras, fotografando eventos culturais, catálogos, festivais e como monitora en cursos de fotografía.

A fotografía é a miña vocación, a adrenalina de deter o tempo para captar o momento que non volve e chegar á esencia, contar historias e mostrar unha realidade con poder expresivo.

 

PREZO: 25 € Para continuares na actividade, deberás confirmar a túa inscrición ben por correo electrónico a envejecimientoactivo@afundacion.org antes da terceira sesión que terá lugar a semana do 22 de febreiro; por teléfono, chamando ao 698 122 915 ou por formulario: neste, se es socio/a dun Espazo +60; ou nestoutro, se non o es.

 

DURACIÓN: 8 horas