Xadrez saudable: xoga e adestra o teu cerebro, Espazo +60 Betanzos

Se queres adestrar a túa mente con exercicios de memoria e atención á vez que te divirtes con outras persoas, propoñémoste a actividade XADREZ SAUDABLE.

Realizarás centos de exercicios, baseados no taboleiro de xadrez, para exercitares a memoria, a atención, o razoamento e a percepción. Non é necesario saber xogar ao xadrez, só usaremos o taboleiro e as pezas como ferramenta.

O curso será impartido por profesionais do Espazo+60 Afundación formados polo Club de Ajedrez Magic de Extremadura no Método ECAM: Adestramento Cognitivo a través do Xadrez, que tomando como base o xadrez, deseñou máis de trescentas baterías de exercicios que traballan as capacidades perceptivas, de atención, de memoria, de razoamento e das funcións executivas cerebrais. O creador da metodoloxía é o psicólogo Juan Antonio Montero, que dirixe esta faceta social do club.

 

ACTIVIDADE GRATUÍTA. APÚNTATE!