Actuación do grupo de monicreques, Espazo +60 A Coruña

O grupo de monicreques do Espazo +60 Afundación da Coruña, "La Tarara", actuará o 10 de maio na E.I. de Zalaeta para conmemorar o Día das Letras Galegas. 

Nesta actuación participarán todos os alumnos da Escola Infantil e escenificaranse contos tradicionais, cancións e xogos populares para conmemorar a festividade das Letras Galegas, dentro dun marco lúdico e interxeracional.

"La Tarara" naceu en 1990 dirixida pola socia voluntaria, Mari Carmen Vizcaíno, e está formada por socias voluntarias que contribuiron á realización dos decorados e bonecos.

Esta actividade está enmarcada dentro do programa «O valor da experiencia» da área de Envellecemento Activo, que ten como obxectivo potenciar o papel activo dos maiores na sociedade e o desenvolvemento de accións interxeracionais e de voluntariado.