Actuación do grupo de monicreques, Espazo +60 A Coruña

O grupo de monicreques do Espazo +60 Afundación de A Coruña, La Tarara, representa o 13 de maio na E.I. Zalaeta o conto da galiniña e un musical con cancións infantís.

"La Tarara" creouse en 1993 por iniciativa dun grupo de socios e socias do Espazo +60 que tiñan gusto polo teatro e pola artesanía. Desde os inicios os integrantes do grupo fabrican os seus propios bonecos e todo o seu atrezzo de forma manual. Así, constitúen verdadeiras obras de artesanía en sí mesmas."

Contos tradicionais e cancións escenificadas para nenos, zarzuelas e musicais para adultos, alegran escolas infantís, colexios, centros xerontolóxicos, centros sociais, asociacións...

Esta iniciativa forma parte do programa de voluntariado "O valor da experiencia" da área de Envellecemento Activo de Afundación, que ten como finalidade potenciar o papel activo das persoas maiores na sociedade, favorecer o desenvolvemento de accións interxeracionais e de voluntariado.